أمسك خيوط الليل وأقول وش عاد
ينفع وجود الذات من غير ذاتي
وأعلن ضياعي وأترك النفس تنقاد
يم السراب وبالصحاري مناتي
وأركب سفينة فوق الأمواج نشاد
وين الرفيق ووين فاهم صفاتي
نجتمع صدفة وتبعدنا ظروف
نلتقي ساعة وفرقانا سنين
يا كحيل العين لو أنك تشوف
جرحي اللي داخل ضلوعي دفين
كان ترحمني وفي حالي تروف
ما تطاوع بي كلام الحاسدين
أكتم الونات وأمسح بالكفوف
دمع عيني والخلايق غافلين
درب الهوى ياصاحبي يحرق الدم
والليل ما يرحم عيون السهارى
ضيق وملل وغيره هم ورى هم
أسأل مجرب ولا تمشي في دروب الحيارى
أما تجي بنت تقول للقمر قم
ولا بلاش من الهوى والعذارى
البارحه مافرحت العين بالنوم
ترعى نجوم الليل فأول وتالي
على وليف يزعل القلب باللوم
هو منوتي يا صاحبي هو راس مالي
وحظي اللي نام ما ينبغي القوم
دايم وحظي في الدهر ماصفالي
يفز دمعي وأقهره داخل العين
أخاف عذالي يقولوا هزيمه
لا والذي والف قلوب المحبين
ماحدرت دمعات عيني ظليمه
أنا بكيت من الوفاء والوفاء دين
لأجل الصديق وذكريات حميمه
أنا تعلمت الجفاء من تغليك
ومن المذله والخضوع أنتهينا
من كل قلبي يشهد الله ناسيك
غير الضياع والمذله وش لقينا
أحفظ بقايا مابقى وأترك اللوم
وأصبر وبصبر والله أعلم بحالي
حبك سرق من ناظري لذة النوم
سرق الخجل عين هدبها حكالي
عليك يا ظالم شكى الظلم مظلوم
منك أشتكي لك بالهوى ماجرى لي
ياللي تبي تعرف أسراري وعنواني..
الضيق والحزن واللوعه عناويني..
وان كان ودك تدورني وتلقاني00
في كل لمة حزن يمكن تلاقيني00
بكتب الحزن والضيقات تقراني00
والناس من زود أحزاني تبكيني
