“هلابك”
والسماء غيمة
حنيني وحبي الوافي..،
“هلابك”
والخفوق الي ملكته
ضاق بغيابك..،
“هلابك”
والوله في ليلة اللقيا لك لحافي..،
“هلابك”
ودمعة العاشق تحلا بك..،
“هلابك”
حــياتــي
“مـــساء الــخيــر”
لقلب من حلاه
تضيع بلاد…،
“مســاء الــخيــر”
ياورد لريحته
غصب علي أنقاد…،
“مــســاء الــخيــر”
يا أعذب من البسمه اذا جت في ضيق…،
“مـــساء الــخيــر”
يا أصدق من الدمعة
على خد مشتاق…،
ماكل غالي بالقصايد نوفيه..
بعض الغلا في داخل القلب ذكراه..
دايم لكل انسان ميزه تحليه..
وانت بعيني شي ما ألحق على اقصاه..!
يدفعني الشوق يالمحبوب وأجي لك..
أسابق خطاي والدنيا ومافيها..
ياكثر شوقي لك وياكثر حبي لك..
يالشمعه الي تضويني وأضويها..
وأقدم الروح بين ايديك وأهديلك
أجمل سنيني بحاضرها وماضيـــها!
لو أكتب احساسي بالأشعار وأبديه
فيك المشاعر كيف بس أختصرها..
قدرك كبير ويعجز الشعر يوفيه..
كل القصايد فيك ينضب بحرها
ارفع ايديني واطلب الله وارجيه
يحفظك حفظ السما لقمرها
تدري من أنا..؟
أنا الي بشوق انتظرك..
وبكل لحظه أبي قربك..
انا الي بصدق احتاجك..
واشتاق لصدق احساسك..
انا الي بصدق حبيتك
عيوني انا سميتك؟
عرفت من أنا..؟
هذا انا
الي على ناسي بديتك…!!
