رثاء الامير خالد الفيصل في الامير سعود الفيصل (لا باس يا واحد عن الف من الناس)

لا باس ياواحد عن الفٍ من الناس = عدّاك ربّي شر الايام والبأس
ياسعود عمّانك ويا سعود الاوطان = يا سعود ابن فيصل ويا راس ابن راس
ثلاثة ملوكٍ لهم صرت ساعد = في خدمة الاسلام والدار والناس
أوّل شبابك فرخ حرٍ ينومس= وعلّيت في روس الشّواهيق قرناس
تَفرق على غيرك بعقل وبصيره= وبالمعرفة والفكر واسرار الاحساس
ياما رفعت الرّاس في كل محفَل = وياما حَسمت الرّاي إذا غيرك احتاس
أجهَدت نفسك والجِسِم دون حدّك = حدّك بعيدٍ _ يارجل _ ماله قياس

أخوي وافخر بك عضيدٍ ومسند = من نبعة الفيصل تشاربني الكاس
يفداك مرتاح الكَنَب واجد اللوم = لا شارَك البانين ولا حَفر ساس
ماهي سوى ما بين هذا وهذاك= ألله خَلَق ثمٍ فَرق بين الاجناس