خير اللهم اجعله خير

الاول انا الحمد لله بصلى الفجر
ولكن اليومين اللى فاتى كان عندى العذر الشرعى فمكنتش بصلى
بس صحيت كالعاده على الاذان
فما بين الاذان والاقامه بفضل ادعى
ودعيت ورددت الشهاده وفضلت استغفر
شويه ونمت

المهم حلمت
بأن واحده صاحبتى فى الحلم ب مش فاكره هى مين بالظبط
كان فى شخص جايب لها سفريه لفرنسا
وكنا فى بيت خالتى
وانا معاها فى القوده هى ومامتها
المهم هى عماله تقول انا مش عايزه اسافر ورافضه وقالت لى خلاص سافرى انتى يا هبه
قلت لها ماشى فمامتها فضلت تعيط وتقولها كده هتخلى هبه هى اللى تسافر دى فرصه ومش هتتعوض
قمت انا جايه جنب امها وقلت لها ماتعيطيش يا خالتى معلش انا محتاجه للسفريه دى انا نفسيتى تعبانه ومحتاجه اغير جو وبعدين قلت لها مش يمكن وانا راكبه الطياره الطياره تقع ويبقى انا فديت بنتك
وبعدين كان فى فستا لونه موف حلو اوى محطوط على السرير جميل اوى الفستان ده اللى صاحبتى كانت هتسافر بيه
جيت اخده علشان البسه فمامه صاحبتى قالت لها لا ماتديهاش الفستان ده
قلت لها ليه قالت كده
ففى الحلم انا حسيت من نظره عنيها انها خايفه عليا من حاجه او علشان لما قلت لها الطياره ممكن تقع
المهم قامت صاحبتى ادتنى فستان لونه من فوق بنى وكله كرستال ومن تحت بيج ومنفوش بس كان تحفه وحلو اوى ولما لبسته عليه كان حلو اوى المهم لبسته والراجل دخل قالى خلصى ياهبه علشان ميعاد الطياره
فصاحبتى قالت لى استنى هنادى لك الراجل الكوافير علشان يمكيجك
قلت لها لا انا بكسف من الرجاله انا همكيج نفسى ومكيجت نفسى وعملت لفه الطرحه الاسبنش بس شكلى بالميك اب كان حلى وقعدت ابص لنفسى فى المرايه ومبسوطه بيها
واختى دخلت عليا قلت لها امال فين ماما واخواتى علشان اسلم عليهم قبل ما امشى
قالت لى جايين اهم
وقلت لها امال انتى زعلانه ليه
قالت لى مفيش بس مش دلوقتى بعدين هقولك

وبعدين صحيت بس كنت صاحيه مبسوطه جدا ومرتاحه

مين فيكم بقه تقولى عن التفسير

يلا مش تتأخرو عليا

شوفي يا هبة انا هقولك بس من تجاربي بالنسبة للأحلام انا لما بحتاج اعرف تفسير بجيب مضمونه بعيد عن احداث الحلم يعني ممكن تقولي مضمون الحلم كله هي السفر بصرف النظر عن ايه اللي حصل فيه

طب شوفي التفاسير بالنسبة للسفر

(سفر) في المنام دليل على الكشف عن أخلاق الناس وإن كان المسافر فقيراً استغنى وإن قدم عليه مسافرون في المنام ربما دلوا على أخبار ترد من جهتهم للرائي ومن رأى أنه سافر انتقل من حال إلى حال والسفر المساحة فمن رأى أنه سافر فإنه يمسح أرضاً كما لو أنه رأى أنه مسح أرضاً فإنه يسافر ومن رأى أنه سافر فإنه يتحول من مكان إلى مكان وقد يكون السفر سفراً والرجوع من السفر توبة ورجوع عن المعاصي ويدل الرجوع من سفر على قضاء الحاجة ومن رأى أنه سافر على قدميه فذلك دين غالب عليه ومن رأى أنه انتقل من دار إلى دار مجهولة فإنه يسافر وإن رأى المريض أنه يسافر إلى أرض بعيدة أو ينتقل من دار إلى دار مجهولة أو من بيت إلى بيت مجهول فهو دليل موته ومن رأى أنه أخذ زاد السفر فإنه قدم خيراً.

يارب يكون خير يا هبة ان شاء الله اتمنى ان اكون افدتك