خاطرة للام , خاطره عن الام , خواطر روعه

اشوف الناس ملتمه وانا ما بيـن حسراتـي

اشوف افراح من حولـي اسلـم ماتحيينـي
اناديها وانا خجلانـه الـزم فـي تحياتـي

احاكيها يافرحه وين؟ حلفت انك تزورينـي
اشد بحكي ثم ارخـي اداعبهـا بهمساتـي

ولا بـه فايـده يمـه برغبتهـا تمشينـي

تواعد ثم تخلفني او انهـا تنسـى اوقاتـي؟

انا اذكْر دعوتك لله . طلبك انـه يخلينـي
طلبك انه بيرزقني و يوفقني فـي بداياتـي

تعلمت الدعاء منك وصارت عـادةٍ فينـي
اذا نامت عيون الخلق اوجه لربي دعواتـي

رجيت بصوت كله خوف متأمل بيعطينـي
لاجل ما افرّحك يمه رجيت وزدت رجواتي

هقيت ان دنيتي تصدق بدعواتي وتوفينـي
صبرت بحروة آمالي وحروة كل هقواتـي

وجت للخلق ذا كله ولكـن ازرت تجينـي
وقلت اكيد هي خيره حمـدت الله لحالاتـي

كتمـت الآه لا تطلـع ولا ودي تشوفينـي
ما ودي يتعبك نوحي ولا تشقيك شهقاتـي