تغريدات نصراوية , عبارات عن النصر , توبيكات نصراوية , مسجات نادي النصر
ودي اشوف الشمس تملا المدرج
ويقال خلف العالمي ..جد جمهور
جمهور ما يحضر ابد … للتفرج
يصب عشقه بالاهازيج ..ويثور
العالميّة بالنسبة لـ #الهلال
تقوم مقام الجنّة بالنسبة لأبليس!
العالمي عالمي لو قلت لي عالم
عشقي أنا الشمس لون البحر مجدافي
حنا حقيقه إذا به غيرنا / حالم
قد شفت لك عالمي يأخي مهو سنافي
سلام يانصر الجزيره والابطال
سلام ياصرح عزيز شعاره
ياقمة التاريخ والمجد مازال
ثابت ولا يمكن يزعزع جداره
خمسين عام وانت للعز تمثال
منجم ذهب غالي ثمين عياره
من خمسه وسبعين والخير همال
واليوم نجني ماستوى من ثماره
والنصر له تاريخ ورموز ورجال
قامو عليه ومهدوا له مساره
وابرزهم اللي للصعيبات حلال
هو باني امجاده وحامي وقاره
اذا وعد يوفي واذا قالها طال
له هيبة منها تذوب الحجاره
يرحمك ياعود خذا الطيب مدهال
موتك يابو خالد عظيم الخساره
واليوم راح وبعده اخوان وعيال
وتعاهدو يبقى النصر في الصداره
فيصل يقود الباخره طيب الفال
بالفن والخبره وحسن الاداره
لا يهمك منهو من قال قدرك العالي نزل
انته قدرك فوقنا ساطع نجمه ولا مع
انته دوم ساكن فينا ولك فينا محل
نازل في قلوبنا وحبنا لك دوم والع
انته ضي عيوننا وينضرب فيك المثل
مايبدل حبنا حاسد على فرقاك طامع
انته الاول مهما صار بعيوننا قول وفعل
مايغيرنا عليك يا حبيب القلب واقع
انت رمز نفتخربه وحنا منك ما نمل
ياللي تاريخك بيطرب كل شاهد لك وسامع
نفرح لفرحك يا الغلا و بانتصارك نحتفل
وعند الخساره كلنا يمك نشارك المواجع
