بحور الشعر ما تعرف الإندثار

السلام عليكم ورحمة الله وبركاته

احبتي الكرام

من رحم المساجلات الشعريه بيني وبين اخى القدير
الشاعر ابو مشعل

خرجت لكم هذة الحروف

واتمنى ان تنال بعض من إعجابكم

يابو مشعل في حرفنا شبت النار
ومن يطفي اشواق حرفها طرالي

وصل الهوى ما همه بُعد الاسفار
وأهل القصيد ما همهم كثر ارتحالي

أنا غنيت وغُنا حرفي صار أشعار
وإشعار لحروف تهاب إرتجالي

من يبي السباق لا يترك المضمار
وأسرج لمهرة الفكر من خيالي

وأسابق الريح كأني له إعصار
ع الأوله رامي حرف من جزالي

بحور الشعر ما تعرف الإندثار
مثل النجوم كل ما تعلا تلالي

وسابح حرفي في فلكها والمدار
وعلى غيمة الشوق صمتي وانفعالي

من فرايد الحرف أكتب بإختصار
بيت القصيد إرثي وراس مالي

من يجمع المال تاركه للغبار
ومن يجمع قصيدي يورث الغالي

الحرف غالي واغلا من در البحار
واموالنا وعمرنا آخرتها للزوالِ

لا يموت الحرف وان طال الاحتضار
ولا تموت فكره جالت في بالي

يا قاري حروفنا لا تسدل الستار
تونا بدينا وتوه الحرف صفا لي