الدموع الباردة
الدموع الباردة
مش هاقبل منك خلاص لوم
ولا عتاب
انا روحي عندي أغلى ودي الأسباب
لما عرفتك وكمان عشقتك
كنتي ليا الدنيا والدين
والفرح ويا العذاب
سكنتي جوا مني لما خلاص
مبقتش انا
كل ماألتفت ألاقيكي إنتي
حقيقة او حتى سراب
متصدقيش لوغبتي عني
هاضيع ولااموت
كلامي عنك ميكفيهوش
مليون كتاب
روحي بعيد وإبعدي
من غير لوم ولاعتاب
مش هتصدقي لو قلتلك
انا عن نفسي لو أطول
بإيديا … أقتلك
مش قسوة ده بس عشان
أبطل…. أحنلك
يمكن لو ظلمتك أقدر
أكره نفسي وساعتها
اقدر اقول مش فاكرك
ولا…. إشتقتلك
خليكي عندك متقربيش
وجوه عيوني متسكنيش
خايف مني عليكي
يجي يوم ومتلاقينيش
وعشان بحبك هابعد انا
ولو سألوكي … متجاوبيش
ولا أقولك … قولي ده اللي خان
واللي باعني وإختار يعيش
ويا الهموم والسجن الكبير
ويا الجراح اللي … متنتهيش
وفيا يامصر متفكريش
إنسيني وإسجنيني واقتليني
مترحميش …….
(لحظة حزن متتوصفش)
