الحب

الحب

الحب طفلٍ سكن شعري وهوجاسي….. وفي ضلوعي العوج ربيته وكبرتـه

خذاني من الوطن والناس وانعاسي….. وبـلا قناعـة تقبلتـه وبـررتـه

سلمت أمري إليه وطحت متواسـي …..اليـن ماصـار شـيٍ ماتصورتـه

حبيبتي كيف أكذّب حزني و ياسـي …..لو العذر يعـذرك قبلـك تعذرتـه

الله يسامحك ما قدّرتـي إحساسـي …..وانا على شانك الاحسـاس قدّرتـه

نسّاني الهم .. غالي ربعي وناسـي …..وذكرت ربي وقلبي فيـك ذكرتـه

ودوّرتي أسهل طريق لضيقة أنفاسي …..ماكن درب الفرح لرضاك دوّرتـه

يا سيّدة خافقـي ومحطمـة باسـي …..كم مـرة لمـت خفّاقـك وحذّرتـه

صحيح أحبك وأخاف فراقك القاسي …..وخطاك يامـا تجاهلتـه ومررتـه

لكنّي اليـوم لا ذاكـر ولا ناسـي …..ودعتك الله وقلبي عنـك صبرتـه

عساني الموت كان بينحني راسـي …..وياجعلي الضيم..لو مبداي غيّرتـه