اشعار قصيرة منوعه, قصائد واشعار جديدة , شعر قصير جديد , قصائد شعرية منوعه

اشعار قصيرة منوعه, قصائد واشعار جديدة , شعر قصير جديد , قصائد شعرية منوعه

شفت المدينہ خاليہ ما بھا احساس
فيھا خليط افراح داخل كئابہ
مثل الصديق ان غاب ف زحمة الناس
ۈ لاا لقى من هو يقدر غيابہ ؟

*اخر قصيدة حب موضوعها فيك
مضمونها ياصاحبي لوم وعتاب
يوم غبت عني كل يوم احاتيك
انت الوحيد اللي عن البال ماغاب

*للحزن و الشوق فيني لك قصيدة
و ل عيوني و المسافات البعيدة ..
شطر يبكي .. قطع القلب و وريده ..!
و المصيبة.. أن حبك يملك أنفاسي بإيده ..

بين ‘صمت’ وكبرياء وتضحية
كنت جالس والغـلا فيني يفوح✨

انـت محتاج ‘لـ مشاعر’ توعية
لجل ‘تتفهـم’ خفوقي لـو يبوح

انا انتظر منك رساله على الخاص
ابطيت اجر الصوت واقول مشتاق
لاهنت يا راعي المحبه و الاخلاص
ارحم خفوقي دامنا اثنين عشاق

من نعومة يدها خايف عليها ،
من خشونة كفي لامن لامستها
مترفه : تجرح شفايفها يديها ،
غايضه قبل العذارى : منظرتها

لا تعوّدني على : ( حلو الكلام )
حيل اخاف القلب من حكيك يطيح
لاْنّ قلبي حبّ له مره .. وَ هام
من بعدها .. لين هاللحظه : يصيح

لا مـا سمعتـك يـوم سولـف حنيـنـك
واللي يدور بخـاطـري ما حكـيـتـه
مـدري خذتنـي مـنـك طـلّـة جبيـنـك ؟!
والا انـت معجبـك الخـفـوق وخذيـتـه

قالت اطيع الزمن لو الزمن ماطاعك
قلت وش فاد الزمن ؟ هالسالفه كبيها
قالت انت اصبر حبيبي وانتبه!بسماعك
جمعتن تغضب الاهي والملا مابيها

[من بعد ماغبت عن عين القصيد]
مابقى ، قاف بعيوني ، يستحق

اقدر اتحمل ، احبك، من بعيد
[بس والله، ماتحمل نفترق]

غزاني عليك الشوق والشوق مسّه شين
وجيتك وانا روحي من الوجد ولهانه*

تصفّح شريط الذاكره من قبل عامين
على شان تدري وش مجييّ على شانه

ما عاد باقي في .. حياتي مودھ
ولا عاد باقيّ بالزمن شي إرجيهہ

حلم كبير . . ورمح الأقداار هدھه*
وقلب تحطم كيف تجبر هقااويہ

*ياليت ماقلت لك ( انت الغلا كله )
وياليت ماقلت لي ( قلها على شاني )

لعبت في حسبتي من بد خلق الله
أنت أول إنسان في فرقاه بكّاني

*بعيد عن عيني واقرب من القلب*
ليتك كذا تبقى على طول غايب

اخاف لحظه تقترب واترك الدرب
واقول انا وياه ،، كـنا حبايب

،،

: مرات من كثر الجفا نصبر ونشتاق
ومرات من كثر الصبر , نسكت ونشقى””

*،،،،

يعتـادنـي عيــد الشقـا يــوم فـرقـاك
ويعتادنـي عيـد الفـرح يوم أشوفــك

،،،

لآتسـأل المشتـآق وشفيـك مآنمـت ..
تلقى الأجآبه وآآضحه في عيونــہ

الكلمه اللي على لسانك و فـ عيونك*
ان كان لي قدر عندك طالبك قلها✨
حدتني (النفس) و(سلوم العرب) دونك
وإلا انت حاجه من الصعب اتجاهلها

تعبت اعدل بـ العلاقه وأجمل
/ البعد مو ذنبي ، ولا الحب ذنبك ..
أسف ، انا ماعاد اقدر أكمل*
/ وشكراً ، على كل يوم عشته بجنبك ..

نحس بـ الحاجه الكبيره صغيره
/ اللي تجي من غير نتعب عليها ..
ونحس بـ الحاجه الصغيره كبيره
/ اللي تتعبنا وحنا نجيها ..

وش بلا الدنيا ، تفرق ما تلم ,
كل يوُمن تاخذ وتمحي حبيب ،
العقول تبدلت صارت عدم ,
والصداقه تجي لـ اهداف” وتغيب

لا تنصدم لا شفت فـ عيوني الخوف !
الوقت ما تدري وش اللي مسوي ؟
مرت علي .. أحزان وهموم وظروف !
ضيعت فيها صاحبي من عدوي .. ؟

–

حقي عليه ، يمرني كل ما نام ..
وحقه علي ، من دم قلبي دفعته ♪♡

انت بـ حياتي شي ثاني عن الغير
تقدر تقول : اجمل حدث في حياتي ..
مــن كثر ما خانت غلاك التعابير*
معاك أحس اصدق كلامي سكاتي ..

*بقا بيننا يمكن تواصل بقايا وصال
تجيني بعد مده تدور عن اوصالي
مجرد سلام ومانسيتك وكيف الحال
هذا آخر الغالي وحقه وهو غالي

مدام نفسك على فرقاي مرتاحه
ماني بناشدك عن خيره وعن شرّه…✨
( آدم خسر جنّته بأسباب تفاحه )
شطرٍ ليامن ذكرته تبرررد الحرّه…

وإلتقينا ،بعد عام من الغياب
ضمّني محتاج لك : يـ أقرب بعيد✨
خآيف آقرّب ، وتطلع لي : سراب
وخايف أبعد وإنت تبعد من جديد

احبك قلت لك مليون مره والكلام بخيل ،
احس حروفها ملت وانا مليت أكررها ..

*انا ودي بكلام اكبر بواجد من احبك حيل ،
غريبه حالتي ادري ولا ادري كيف افسرها .؟

*إذا ودك تعرف الفرق بين الحب والتمثيل ،
تعيش اصدق معاني حب في بالي وبذكرها ..

يحبك من غفت عينه على صوتك طوال الليل ،
واذا نمت وفقد صوتك طوال الليل يسهرها ..

يحبك من معك ينسى همومه وفي يديك تشيل
، واذا غـابت يـدك الـفت هـمومه و يتذكـرها ..

يحبك من تجي برضه ومطرها كل يوم يسيل
، وتمحل كان ماجيته وياقف سيل ماطرها ..

يحبك من يعذرك لو دروبك عن دروبه تميل
، يدوّر لك عذرك يقبل خطا دروبك ويعذرها ..

يحبك من نثر قدمك ورود وزعفران وهيل*
، ولكن من وراك بصمت دموع الشوق ينثرها ..

يحبك من يحبك حب من قلبه مثل ماقيل :
، يخسر الناس لعيونك ولا يحسب خسايرها ..

يحبك من كتب اجمل قصايد ماتبي تعديل
، ترى لولاك ما والله كتبها احساس شاعرها ..

عرفت الحين معنى الحب وشفت شلون بالتفصيل
، رغم حنيته ( النفس العزيزه ) الحب يكسرها ..

علموه اني شربت الحب من صافي زلاله
وعلموه اني نذرت العمر من اجله هديه
وعلموه اني سكرت من الهوى حد الثماله
وعلموه انه جعلني عن هجير الشمس فيه
وعلموه انه كتبني شعر في دفتر خياله
وعلموه انه وضع شمس المحبه في يديّه
وعلموه انه غزى الخفاق وأسرف باحتلاله
وعلموه انه تمكن بالحشا وال الرعيه
وعلموه انه عطاني وعد في مقبل لياله
مايروح ولا يبوح ولو تفوح الشاذليه
وعلموه اني ابسهر في رجا رن اتصاله
وعلموه اني برجوى يا هلا يالله حيه
وعلموه اني احبه حب ما يخطر في باله
وعلموه اني احب مشاهده لو هي شويه
وعلموه ان القصايد من يمينه في شماله*
فدوة ٍ لعيونه الثنتين مع زاك التحيه
وعلموه ان المشاعر كلها مني حلاله
وعلموه ان الخوي دايم على هقوة خويه
علموه وفهموه وصلوله ذا الرساله
والوصيه وسط مظروف الغلا نص الوصيه
شاعره لو غاب مادور على شخص ٍ بداله
مال لغيره في خفوقه شف وإلا قابليه

يـا كبـر حـظ النـوم .. لازار عيـنـك !!
يكفيه من عينك .. ( معانقـة الاهـداب ) !!
مالوم .. لـو دنّـق .. وقبّـل .. جبينـك !!
لنّه .. مثـل قلبـي .. علـى ضمتـك ذاب !!
مانيب قايل : من ضنا الشوق .. ( وينك ) !!
لنّك .. بنيت بداخل الصـدر ( محـراب ) !!
قلبي .. وعيني .. من غـلا .. محتوينـك !!
وروح الغلا .. تهديك .. ( حله وجلبـاب ) !!
كن ّ .. الشهـد مسكـوب فـي شفتينـك !!
شوف .. النحل .. وشلون من حوله احزاب !!*
سلهامة عيونـك .. ( فضيحـة كنينـك ) !!
فكت .. علـى خافـي معاليقـك .. البـاب !!
حتـى عرفـت انـك : تبـادل رهينـك ..!!
نفس المشاعر والغـلا .. قلـب واحبـاب !!
شوف الغلا .. وشلـون بينـي وبينـك .. !!
يكتب .. على نبض المعاليـق .. ترحـاب !!
غنيت له : من صـادق الـود .. لينـك .. !!
قمت .. اترنم لي .. على صوت الاعجـاب !!
غمّض عيونـك .. ثـم قـرّب يدينـك .. !!
من صدري اللي كـن يصـلاه .. شبـاب !!
ابيك تشعـر .. كيـف يشعـر .. ضنينـك !!
لا دورك .. بيـن المحانـي .. والاهـداب !!