اشعار قصيرة عن النوايا , قصائد عن حسن النية, شعر عن سوء النية
اشعار قصيرة عن النوايا , قصائد عن حسن النية, شعر عن سوء النية
معقول اغيّر عقول الخلق واقنعها ..
ماهوب معقول ياللي قال معقوله
ياخي.. انا يالله بنفسي اطوّعها ..
مالي على الخلق لا حكم ٍ ولا طوله
يالأجودي لو بنفسك شيّ موجعها ..
هالوقت غيّر كثير نفوس بسهوله
نفس ٍ ذليله تشوف المال يرفعها ..
و نفس ٍ عزيزه .. تركها الفقر مذلوله
و رجـل ٍ يجيها اللحّـاف بطقّة اصبعها ..
ياللي يمدّد بقدّ لحافـه رجوله
اثبت لك إنّا مع انفسنا نخادعها ..
وانّا نعيش الهزيمه .. كنّها بطوله؟
نقول دنياك لو ما طاعتك طعها ..
وهي عمرها ما تطيع الحيّ بميوله
وبإسم الرجوله عقب مالوقت شيّعها ..
قمنا نكابر بوقتٍ مابه رجوله
واحلامنا كذبةٍ عشنا نرقّعها ..
ونضحك على بعضنا بأحلام مقتوله
بإيدين مشلوله بنبني مرابعها ..
بالله من قد بنى بإيدين مشلوله؟
و النيّه الطيّبه من طيب منبعها ..
وكلٍ على قدر طيبه يسرج خيوله
مثل القصيده يدلّك طيب مطلعها ..
عنها وتبقى بكل لسان مقيوله
مانيب مهبول يعشق بنت ضيّعها ..
ولا سالفة عاقلٍ هايـم بمهبوله
السالفه كان ودّك تعـرف اسمعها ..
ياللي تلوم الدحيمي ..اسمع لقوله
زرعت ورده وليتي قبل ما ازرعها ..
فـي روض مشتل .. نشدت الروض منهو له
ويوم ازهرت شفت راعي الروض يقلعها ..
قدّام عيني وانا بإيدين مغلوله
وقّـفت مذهول و عيوني مدامعها ..
تشهق بدمع ٍ وقف بعيون مذهوله
ناديت ياعـمّ تكفا بس اطالعها ..
وأشحذ وجيه العرب واقول قولوا له
عين ٍ تجوع السهر من شان تشبعها ..
يا تنعمي يا تخلّي النفس معلوله
قالوا تبيها نصيحة بندقك بعها ..
ماهيب صوب الجفول ولاهي بحوله
وامسيت وانا اطفي الشمعه و أولّعها ..
في حروة الفجر .. مير الليل ياطوله
إن لمت عين ٍ..بكتها الثانيه معها..
وإن جيت ابانسى ولاهو شيّ ياهوله
من عقبها النفس طاري الورد يفجعها..
وألعن ابو الورد كلّه واعشق ذبوله
وآخر سؤال ٍ حرم هالعين مضجعها..
وأقفت تشوف الحقيقـه شبه مجهوله
ياخي.. اكفّر ذنوبي / يمكن ابلعها..
لكن اكفّر ذنوب الخلق معقوله؟!
الــطيـب يــثــمر فـــالـقــلوب الـنـظـيــفـه
يـــوم الـــردي يجحد كـــسّابــة الطيب
و الله حــبــانـا بــالــنــفــوس العـفـيفه
مـا نــنـتــظر فـي يــوم ردّ الـمواجيب
كــثــر الــمعاتــب للــعــقــول السخيفه
يــنزلك مــنزل تــافهــين المــطاليب !
حــنـّـا ســكنّا فــالـــطــوال الــمـنــيـفه
والخِب يسكن في جحور وسراديب
و للخير نسعــى ما نــعرف النكيفه
في أول الــترتيب لا شـفت تـرتـيب
و مدّ الـعــطايا مـاخذيــنه وظيــفــه
هذي طــبــيــعـة طــيـّـبين المناجـيب
بــيض النوايــا و المقاصـد شريفــه
ومن خان فينا خــان ما جاه تثريب
لكـن على الله لا تـوجّــست خـــيفـه
من صــاحبٍ من خان عفت الاكاذيب
خــلٍ نـفـانـي بـيـن الأضـلاع ريــفه
مـستـوطنٍ بالـقلـب عن كـل تغـريب
راح الـربـيع الـلي ظـمـا مـن خريفه
لا خــيـر يـثمـر لا و لا يـثـمر الطيب !!!
النيه الطيبه من طيب منبعها
وكلن على قدر طيبه يسرج خيوله
مثل القصيده يدلك طيب مطلعها
عنها ,, و تبقى على كل انسان مقيوله ,,,@
يآ ليت ل وجيه النوايا مرآيا
ما كان حارت فالنوايا نوايآي
احيآن اصدّق ف الوجيه النوايا
واحيآن اجمّع كذبها يا بقآيآي
لو كنت اجمّع عَتْمَها ف الزوايا
يمدي إمتليتي روسهم يا زوايآي
اصدقهم اللي لآجلس من ورايآ
ساكت و كنّه ماجلس في حنآيآي
تعبت اقول اللوم ما به سوايا
و تعبت اعدّي غلطة الغير ويّآي
نآمت علىَ مدري جميع الخطايا
يا ليتها ردّة فِعل من خطآيآي
تعبت اكون اللي كتمت بحشايا
هم ليش حَبّو تلتوي يوم يمناي
حاولت اغطّي ب إبتسآمه بلآيآ
عشان ماتدري عن الخافي إعداي
الله و اكبر لآ ابتسمت و حنآيآ
يشيل ما تعجز علىَ شيله إعضاي
يآ ليت تُكتب ف الجبين النوايا
ما كان حارت ف النوايا نوايآي
السكوت الي احتواني سبته كثر الطعون
والجروح الي غزتني عمرت فيني الحزن !
ماهقيت الصاحب الي منزله وسط العيون
قد شطب معنى الوفا يوم اقفيته وطعن !
( للمعزه .. والموده ) كنت متأمل يصون
ويبقى في دربي سند من غرابيل الزمن
كنت اظنه انسان صادق مستحيل انه يخون
ظني في بيت الاصاله والشهامه قد سكن !
كنت اظنه من رجال ٍ في الشدايد يفزعون
وآآحسااافه يوم اني كنت اظن وكنت اظن
اثره ابيوم ٍ وليله .. خيب آماااال وظنون
واكتشفت ان الدنائه تعتبر قلبه وطن !
شخص مثله بلا كرامه .. يتبع الي يدعون
( بالرجوله )..بس مابه في فعايلهم رزن !
و انا لي (كلي رزانه) واشهد انها ماتهون
وآتزين بالطباااااع .. الي لـهـا قـدر ووزن
شامخ ٍ ما اهتز شاني .. ثاااابت فيني الركون
وان كثر زلزال غدره .. مايحـــرك بي ركـــن !!!
يا كبرها .. من مصيبه .. في زمانك .. لو تكون
الصداقه .. مثل سـلـعـه بيعها بارخـص ثمـن !!
مابقت للدنيا حولي فــي عيوني اي لـــون
بعد ما ( ماتت ضماير ) .. والنوايا ماصفن !!
اذا صفالك زمانك عل ياضامي
اشرب قبل لايحوس الطين صافيها
الوقت لو زان لك يا صاح ما دامي
يا سرع ماتعترض دربك بلاويها
ي اللہ علـى طيب نيتـنـا تجـازينا
وتبعد قلـوبً بحسـد الخلق مبليـه
طيبنا مع الناس من طيبة مربــينا
والناس ماهي مثل خبري ع النيه
ادري عيونك تراقب كل ما اسوي
واللي بقوله تطمن واحسن النيه
محدن غيرك ولع بالحشى ضوي
وانت عذاب الخفوق اللي لعب فيه
يجيبك الشـــوق والا تردك الفرقا
خابرك ماتقــــدر الثنتين مـــــوليه
والمزنـــــــــة اللي لها رعاد وبرقا
يصدق مطرها مثل ماتصدق النيه
نمشي على النيه ولا نعلم الغيب.
وكلٍ يجي رزقه من الله قده.
مقسومنا ما فيه شكٍ ولا ريب.
واللي كتب ربي فلا أحد يرده.
#سبحانه
محبــة النـاس مطمـع كل شخصيه
ولا كـــل شـخص يدورهـآ تهيــا لـه
خلك سلس في التعامل واصلح النيه
ومن صـد عنـك كــذا خله على فالـه
الوجه بالوجه و النيه هي النيه&
واللي بـ يدور على الزله بـ يلقاھا&
علمني الوقت .. معلومه اساسيه &
بعض البشر ما تغلي إلا من توطاهـا&
عزاي رب يعطي حسب النوايا
يرحم عزيزين الذمم والظماير
ناس تدس الهم بين الحنايا
وناس وربي مادرت ويش صاير
‘
النوايا بين بيض وبين سود
وانت ماينفعك دمعك لا انهمل
خل قلبك مثل مشراب الحسود
لايغدي قلبك مواريد الهمل
