اشعار قصيرة عن الطيب , قصائد عن فعل الطيب , شعر عن اصحاب النفوس الطيبة , خواطر عن الطيب والطيبين

لـلـطـيـب طــيــب ولـلـمـواقــف رجـاجــيــل
ولـلـخـيـل ســـــرج ولـلـركـايــب الأشـــــدّه
والـحــجــه الــلـــي مـايـجـيـهـا حــلاحــيــل
تـبـطــي وهــــي هــــدّه وتــاتـــي بــهـــدّه
والـوقــت بـيّــن لـــي رجــــال(ن) مـعـالـيـل
بـــاصـــد مــنــهــا صـــدتـــي والله صـــــــدّه
والـقــلــب لاصـــــارت عــروقـــه مـغـالــيــل
مـايـنـفــعــك راعـــيــــه لــــــــو زاد نــــــــدّه
والـشــيــخ لاصـــــارت يــديــنــه مـكـابــيــل
إلـيــا اعـتــزا فـــي الـضـيـق يـنـفــه جــــدّه
والــرجــل لاصـــــارت قــصـــوره مـداهــيــل
الــطــيــب طــيــبــه والــــــردي مــايــعـــدّه
نسـل الـرجـال الـلـي فـحـول(ن) مشاكـيـل
افـعـولــهــا طــــــول الـــدهـــر مـسـتــبــدة
أهــل الـكـرم والـطـيـب واهـــل المعـامـيـل
سـتـر الرفـيـق ومــن غــدى الـوقـت ضـــدّه
مـاتـنـهـزع مــــن قــايــل الــقــال والـقــيــل
اسـيـوفـهــا طـــــول الــدهـــر مـسـتــعــدّه
يـالــيــل يـامــاســك حــلـــوق الـمـهـابـيــل
يـاســتــر نـــــاس(ن) فـاقــديــن الـــمـــودّه
الـطـيـر ابـــو جـنـحــان راعــــي المـقـابـيـل
يـعـجـبــك لامــنّـــه كــفـــخ فـــــي مـــــردّه
طـيــر(ن) مسمـيـنـه عـلــى أبـــو مظـالـيـل
واتــلــى الـعـهــد بــــه يــــوم لــــوّح بــيــدّه
قــد لــه ثـمـان سـنـيـن يـلـبـس خـلاخـيـل
وارمــوشـــه الـــســـودا تــخــابــط بـــخـــدّه
وانـــا عــلــى الـدنـيــا مــخــاوي رجـاجـيــل
ومـــــــالي ومــــال مـــــكبرين الـــمخدّه

ما هو غريب الطيب من راعي الطيب
ولا هو غريب أهل الردى ينكرونه
الجاحدين أبطال زيف الملاعيب
اللي يدور بروسهم يلعبونه
لطوال وقصار السوالف مناديب
ينقصون الكيل ويزودونه
ما عاد للشرهه عليهم مطاليب
يا ملحقين اللوم لا تلحقونه
نشره علي اللي يعرف إن الردى عيب
والناس لا جت سيرته يمدحونه
وقت الرخاء ولا زمان المصاعيب
يدرى الخوي كنه يداري عيونه
هذاك تحسب له علينا مواجيب
وحنا لنا عليه شرهه ومونه
الذيب ترفع هقوته خوة الذيب
بعيد عن درب الردا والمهونه
من عز نفسه قدروه الأصاحيب
أصحابه اللي بالوفا يعاملونه
يقلط على عز ومعزه وترحيب
وفنجال خولاني يداوي غبونه
وان طاب فاله والصحاري مخاصيب
ساق القدم والله وكيل بشؤونه