اشعار عن اليوم الوطني السعودي , قصيده عن اليوم الوطني بالسعودية , عبارات قصيرة لليوم الوطني , قصيدة وطنية سعودية
الله الاول وعزك يا الوطن ثاني
لأهل الجزيرة سلام وللملك طاعة
حنا جنود الحرس للقايد الباني
رمحه,, ودرعه وكف الشيخ وذراعه
مثل السيوف البواتر وان جنى الجاني
يضرب بها ارقاب من بالدار طماعه
من بان عبدالعزيز وصبحنا باني
ما عاد نقبل ظلام الليل لو ساعه
في السلم يشهد لنا عمرا الاوطاني
وفي الحرب لا رواحنا للموت بياعه
حنا سياج الوطن عن كل عدواني
والجيش والامن ساري العز وشراعه
مشتاق لك يا كل ما في بلادي
شوق الرياض للسيل وادي حنيفه
رغم الفراق وطول وقت البعادي
حبك يزيد ولهفتي لك عنيفه
ولهان لك وله الحضر والبوادي
لخضرة ربيع ضاحك الوجه ريفه
عطشان اشوفك مثل ما كل وادي
ثراه ظامي للحيا عقب حيفه
يا نجد لك منزل بداخل فؤادي
يشبه جبال طويق هاك المنيفه
يا ليت والله ديرتي في مرادي
أوليت قلبي دايم يطيع كيفه
لو هو بودي ما يطول ابتعادي
ليالي الفرقا تراها مخيفه
حب الوطن ما هو مجرد حكايه
أو كلمة تنقال في أعذب أسلوب
حب الوطن إخلاص .. مبدأ وغايه
تبصر به عيون وتنبض به قلوب
حب الوطن .. احساس يملا حشايه
وانا بدونه في الأمم غير محسوب
موجود في دمي وكامل عضايه
سامي وهو للنفس غالي ومرغوب
لك يا وطنا في سما المجد رايه
واسمك عليها باحرف العز مكتوب
إشمخ وحنا لك أمان وحمايه
ولك عهد منا نوفي بكل مطلوب
زان القصيد وقيمت الشعر لازان
انك على اللي يعشقونه تذيعه
يقولها الي عارف كل الاوزان
نظم الشعر عنده من الله طبيعه
جال النظر والفكر في كل الاوطان
والله ما يوجد بكل الوسيعة
دولة سحابه خير واشجار امان
دوحة رخا في ظل حكوم الشريعه
اعني السعودية لها المجد عنوان
معروفة في منزلتها الرفيعة
الشعب والقادة يعلون الاركان
كل الوفاء بارض الجزيرة جميعه
ان جيت لداخل ولا الشعب فرحان
وان رحت بالراء شفتها بالطبيعة
الفكر حلق جاوز السحب يجتال
بافاق مجد ديرتي تنتمي له
صافح وهو في هالة الفخر يختال
حقايق صافي الذهن تستميله
قرا حروف جسدت صدق الافعال
بقصة كفاح اللي غزا قبل خيله
عبدالعزيز اللي بلا ند وامثاله
من فجر ميلاده لساعة رحيله
عبدالعزيز وخير ما عنه ينقال
هو معجزة جيله وما بعد جيله
سن الطفولة عاشه بعقل رجال
عن اللهو هو مات فكره تشيله
الى ان قال:
رايه براسه,, ما تردد ولا سال
وش كثر عدوانه,, وويش اتعبي له
من السيف غرب ما تسمع للاقوال
كن المسافه كلها تنطوي له
هجد,, وصابح طيبه الحال والفال
بفتح الرياض اللي بها طال ليله
وبدت زلازل تصفق الجال بالجال
واهتزت عروش باهلها ثقيله
لين احكم القبضة عقب كر وقتال
وكل تبرا من عمله وعميله
طاعوا وصارت وحدة مالها امثال
فيها الولا للدين قبل القبيله
ثم الوطن واللي لغيم الجهل زال
رفع سراج العلم واشعل فتيله
انا سعودي رايتي رمز الاسلام
…. وانا العرب واصل العروبه بلادي
وانا سليل المجد من بدأ الايام
….الناس تشهد لي ويشهد جهادي
دستوري القرآن قانون ونظام.
…. وسنة نبي الله لنا خير هادي
أمشي على الدنيا وانا رافع الهام
…. وافخر على العالم وانا اجني حصادي
اذا تأخرت بعضهم رحت قدام
…. واذا توارى خايف(ن) قمت بادي…
ان جيت ساحت الوغى صرت قدام
…. وان صرت بلحالي فلانيب عادي…
واظهر على غيري اذا صرت بزحام
…..عقيده قوم بالطبيعه ريادي
