اشعار حب وهيام قصيرة , شعر غزل للشاعر خلف الضيف , قصائد الشاعر خلف الضيف
اشعار حب وهيام قصيرة , شعر غزل للشاعر خلف الضيف , قصائد الشاعر خلف الضيف
موعد و عطرين و شوية سوالف
قهوتي سادة .. و قهوتها وسط
نادله حلوة ، و نور هناك تالف
ضاف لـ المطعم أناقة بالغلط !
مرتبط ؟ تسألني بنبرة موالف
قلت : لا و الله ، ماني مرتبط
قالت إسألني اذا تبغى نتعارف
قلت بعيونك سفر وين الشنط ؟
عضّت اصبعها بمعسول الشفايف
قالت انت تضبّط اللي ما ضبط
قلت ابي ايدك ، و قالت ما يخالف
عاد باقي السالفة …. كلّه نُقط !!
هذا هو آخر لقاء .. ما بينك و بيني
و أبطلبك قبل لا تمنعني و تشكي
أرجوك لا أقفيت عنّك ، لا تناديني
آعرف نفسي :
أبرجع
و أحضنك
و أبكي !!
قولوا لـ ساره …. إذا ساره حكت :
صوتك أحلى صوت و أنفاسك عطر
و قولوا لـ ساره .. إذا ساره بكت :
وجهك أرض و طاحت دموعك مطر !
على عيونك غزل ما صار ي ساره
ي حظ اللي : عيونك تعشق عيونه !
ما خصّت بقلبي ولا شي : عمّت
من عينها رايح و من عينها جاي
هي اللي لا قالت ابفطر و سمّت
تغار قهْوتها .. من بيالة الشاي !!
و من يدري !
يقولون الزمن دوّار
و يمكن بعد عمر
أحبك و ما ياخذك غيري
و اضمك قبل أنام
بقوة لصدري
و من يدري !
ي بعْد عيني ليه لـ الحين تبكين ؟
دمعة تودي بك .. و دمعة تجيبك
ما يجتمع في عين وحده حبيبن
انا او الدمعات .. منهو حبيك !!
الشوق له بيبان من خوف و عيون
اشتقتلك .. و الدمع محتاج خلوة
و لو البكا ما رجّع اللي يغيبون :
يبقى زكاة جروح .. و أيام حلوة !
وين صوتك
و الله إني ما أبيه
بس أبي أغرق و أنام !!
بس أبي أغرق و أنام !!
خذاك الليل .. ي بنت الفرح مني
و لا باقي من أشياءك سوى جيدك
و يبخل هالصباح بجيّتك كني :
طلبت الشمس منّه ما طلبت ايدك !!
قمت اسولف و أشكي لبخّة عطر
ذابت ، و إنتم بـ جوف القلب ذبتوا
الحطب .. و البرد .. و أيام المطر
الشتاء فصل الحبايب ، ليه غبتوا !
ماشي بهالشارع و ياكلني البرد
اللي معاي العام : هالعام غايب
لا تلتفت لي .. روح ي بايع الورد
الورد للي في حياته .. حبايب !
كل ” أحبك ” قالها غيري لـ غيرك
ما تجي ربع الشعور اللي اعيشه !
لـ خلف الضيف
كل ريح تشمّها : تصبح عطر
و ما يمر إلا الجميل بعينها
للبشر و الأرض ما طاح المطر
المطر نازل .. يذوق ايدينها !!
إنتبه لي
ولا تعب متني
من حمول الليالي
شيل حملي
حب زلاتي
قبل لا تحب نبلي
ولا تعزبت السهر
ابغاك أهلي
ولا حزنت
و جيت اببكي
ابك قبلي
إنتبه لي !
شعره يعجبني بقوووة
