ارقى مسجات جميل للجوال , اروع رسائل موبايل فرص
الطيب فرصه والجمايل توافيق
ومن لا توفق ماكتب له جماله
ومن لا رقى للطيب روس الشواهيق
مازان له وقته على مابداله
ومادام لفعول الجمايل عشاشيق
كسب الجمايل مايجي بالسهاله
ولو انها تشرب مع فكة الريق
كلن خذاله كل ما أصبح بياله
والطيب منوه للقلوب المشافيق
كلن يتوق ومنوته راس ماله
والمدح مايزهي على الرجل ويليق
الا لا صارت وافيات خصاله
يستاهله رجلن يفك المزانيق
اللي يقال ونعم لا جا مجاله
ومن ساقته نفسه وهو مابعد سيق
لأجل الجميل يزين الله فاله
والمرجله ماهي بتحتاج تنسيق
من بين قلب اللي عشقها وباله
ومن عادة الدنيا تخون المواثيق
تفتر مكرتها سوات المحاله
ولولا اللوازم ماعرفنا المخاليق
مانعرف الرجال لين انعناله
والكفؤ تظهر فزعته حزة الضيق
وينشاف في الشده بعين العداله
نسل الرجال متعبين الملاحيق
متوسطن من بين عمه وخاله
واللي يطيق ولابغى قال ما أطيق
تحرم عليه المرجله والشكاله
والهينه تكبر على اللاش والهيق
له في الرخا قاله وفي الضيق قاله
والطيب شاره والضماير صناديق
واللاش طيبه ما تعدى ظلاله
وأنا أسبر قلوب الرجال المغاليق
والصامت أقطع غايته من مقاله
ومادام في الدنيا رجال ومطاليق
نصيتهم واللاش مالي وماله
********************************************* ***** ***************
من فتحت عيون قلبي
ماشفت إلا عيونك
ازهرت بك قاع ارضي
وامطرت لجلك مزوني
أنت أول من عشقته
واوقد الشوق بخفوقي
عشت طفله بين يديك
عاشت الحب الحقيقي،،
بك عرفت أن الدقائق
دون شوفك مستحيله
وكيف همي صار أنت
وكيف تسهر لي
جفوني،،
بك عرفت أن المشاعر تختصر لحظه غيابك وانتظاري هو إنتحاري لحظة تفارق عيوني،، ايدك اللي علمتني أكتبك واعشق حروفك وارسمك لوحه جميله
ماتخيب بها ظنوني،، احتميت بفي قلبك عن متاهات الليالي.. وقت ماضي وقت جرحي صرت لي قلبي وعوني،،
من يعوضني مكانك
لو خذاك الوقت عني
أمة محمد في غيابك صعب فيك يعوضوني،،
إن رحلت تبقى حبيبي
وإن بقيت تبقى حبيبي
ماتقبل غير شخصك في حياتي لي يكوني،،
