ابيات شعر عن الفراق , شعر حزين عن الفراق , قصائد عن الفراق
الصمت يكفي ويشفي صدر راعيه
لا صار كل الحكي ماله معاني
والقلب ما عاد تعنيه المشا ريه
و العين ماعاد تغريها الاماني
ياليت حزني مجرد دمع وابكيه
ماهوب عايش معي بين المحاني
ماهوب يظهر علي واحاول اخفيه
و تصير نظرات حزني هي لساني
مدري ذكرني زمان كنت ناسيه
مدري ذكرت الزمان الي نساني
==============
سهيت لحظه وقمت ابحث بجوالي
اقرا الرسايل وامسح مابقى منها
لقيت ذكرى رساله والرقم غالي
مكتوب فيها اذا انا مت فامسحها
فكرت فيك ولقيتك عايش وسالي
وماظن ياصاحبي في يوم تذكرها
الموت عندي يساوي غيابك الحالي
والحين بستئذنك يازين وامسحها
o o
قالوا: غريب وقلت:وين الغرابه؟
مادام هذا المجتمع كله اغراب
==============
سافر وخل أحزان عمري تخاويك..
يمكن معك تلقى حلول لضياعي..
حاولت أشوه صورتك..يوم أخليك..
لقيتك أصدق من بكى في وداعي..!!
==============
قلت : اصبري ، قالت : انا اقولك زين ؟
قلت : اتمنى ماتكوني بخيله
ضمت يديني .. قلت: توك تحنين
قالت يدينك بس ؟ هذي قليله
يوم احضنتني دمّعت ، قلت : تبكين
قالت : اظن الدمع (أصدق وسيله)
ردّت ، وقالت : وش عذاب المحبين
قلت : الغياب ! وفي عيونك دليله
==============
الغنى والفقر حاجه بيد رب العالمين..
مؤمن بهذي العباره.. بس ما انتي مؤمنه
أدري ان المال لبّى كل شيٍ ترغبين..
إلا انا واحد من الرغبات غير الممكنه
==============
لو كبر ذنبك ترى قلبي كبير
واعترافك بالخطا يغفر خطاك
==============
هم يحسبون المسأله كلها سلك
اذا انقطع تقطع معاه المسالك
ولا دروا اني بالاحساس ابادلك
مو شرط اشوفك واسألك كيف حالك
احس بك لو كنت ماني مقابلك
وتحس بي لو كنت ماني قبالك
دايم وفكري في حراوي منازلك
ان جا مجالك ولا ما جا مجالك
تدري وش الي بس يقطع تواصلك؟
الموت بس الموت يقطع وصالك؟؟
==============
معاني العشق لو تجمع وتهدى لك كما الباقة
حبيبي ما وفت قدرك ولا لبت طموحاتي
يا أطيب قلب قابلته أنا لك روح مشتاقة
تبي تجمع غنايم حبك ومصدر بطولات
أنا من يوم ما شفتك عيوني مالها طاقه
تبي ترسم لك ألوان ألمحبه والمسراتي
يا أجمل من سكن قلبي وضيّ العمر وإشراقه
احبك قلتها صادق وخطتها عبارتي
==============
أصبرحبيبي قبل ماترحل : تعال!
أبيك توعدني ” تجيني تجيني ”
حتى إذا ظرفك عن الجيّات حال ..
” أكسر ظروفك ياغلا لجل عيني ”
وابنتظرك أنا على كل الأحوال ..
وابحتضن وردة غلانا بيديني ..
==============
أنا جريح الأمس واليوم والغد,,
وهاذي جروح العمر احصي عددها,,
لقيت أنا الدنيا ترى ملعنة جد,,
فيها الكلاب السود تأكل أسدها,,
صدقني غيرك انت ما اشوف انا احد,,
ومن ماتلد مثلك خسارة ولدها,,
==============
أبتعد وأهجر شوارعك والبيت،،
قلة أدبكم عجلت بالنهاية
رح في طريق في دروبه تماديت،،
تحت الثرى شيعت نهاية عنايا
اقسم قسم لوشفتك بيوم حنيت،،
لأدوس قلبك بالقدم من قسايا
آخر سؤالي كان بالحق رديت،،
قلي بربك وش سب هالسوايا
==============
كرهني بنفسك لو بذنب صغير
ألقى به اعذاري وأعود لزماني
المشكله انه مابدى منك تقصير
وهذا يزود واقعك في كياني
==============
محدن قدر يجيب اقصى دموعي
الا انت لامن غبت يسري بي الدمع
حتى طبوعك غيرت لي طبوعي
انت الغلا والحب والشوق والطبع
تبي مكانك؟ قم وطالع ضلوعي
حرام انك ماتفارق ولا ضلع!!
==============
الا ياطفل..لا تكبر..كذا اجمل..كذا اطهر
كذا لا هم يتراكم..كذا لا ضغط لا سكر
ترى اكبر كذبه عشناها(يالله متى نكبر)
احلم قد ماتقدر..واذا خفت خب احلامك بدفتر
ترى الايام سراقه والا حلام تتبخر!
==============
انتعاش الورد في لحظة وصال
والذبول انواع والفرقا قهر
والنجوم اشكال في عرض اليال
والكواكب فوق واحلاها قمر
مستحيل انساك حتى بالخيال
وان نسيتك!!
حلم من بعد السهر..
==============
تسلم يمينك على”الطعنات”صحتن ي,,,
ماكنت ابصحى واشوفك زين لولاها,,,
==============
كان فيني عيب ..قلي فيك العيب الفلاني
كان هرجي مزعلك في شي ..قلي لاتعيده
جيت مابيك تحقرني ..جيت أبيك تعز شأني
جيت آبي فزعة ضلوعك من مشاعرك الفقيده
يعلم الله شفت منك ومن غيابك ماكفاني
كان ماتقدرتخف هم قلبي..لاتزيده.
==============
قولي تكبر قولي انسان مغرور
قولي علي اني عديم المعاني
قولي بعد ما عندي احساس وشعور
واني نسيتك وانت قلبك نساني
لا ما باعتذر منك ولو كنت معذور
ونعم معك بالذات لي طبع ثاني
ادري قهرتك بس انا كنت مقهور
ياحلم الماضي وغلطة زماني
==============
أمداك تنسى الزعل وتقول سامحني
من بعد ذاك الخطأ ودك تراضيني
أدميت قلبي بكلمة ودمعت عيني
حاسب كلامك إذا ودك تحاكيني
ما بي أصارح ولا ودي تصارحني
لكن إذا طال صمتي لا تجافيني
==============
< واله فقدتك >
ياأعز الأحباب..
عساك تسعد بالفرح والتهاني..
يقولها قلب عن الحب ماتاب..
والي بقلبي لك يقوله لساني..
ماغيرتني دنيتي يا أوفى الأحباب ..
مخلص ولا لي بالبشر وجه ثاني
==============
عسى ماشر ياعمري؟
وش الي طول غيابك؟!!
نسيت اني على صبري أذوق المر
بأسبابك
نسيت اني على صبري أموت بلحظه
وأحيابك
حبيبي يابعد عمري!!
طول غيابك وأنا مدري؟؟
أخاف انه نقص قدري عقب ماكثروا
أحبابك!
==============
فمان الله ياحب ماكمل المشوار
عرفنا مفرق الدربين و لايحتاج تكميله
مالك نصيب في دنيتي ومالي نصيب في دنيتك
خلني اعيش بحسرتي وانت تهنى بدنيتك
ياترى الأيام تسمح والأقيك
والايكون آخر لقانا..رسايل
==============
يبقى الغلا لوفرقتنا المشاريه
والشرهة الي بالخواطر تروحي
كل يعاتب بعض الاحيان غاليه
والحب يبقى فوق كل الجروحي
الحب لوشانت علينا لياليه
نصبر وفى سر الغلا مانبوحي
طبع الوفا بقلوبنا مانخليه
يسري بروحه مثل ماهو بروحي
حبي على باله ولوكنت جافيه
وهو على بالي وحبه طموحي
قلبي ولو صديت وابعدت بيديه
وبنظرتي شوق القا له وضوحي
==============
جايز غلطت وجايز انتي غلطتي
ماهو مهم الحين من كان غلطان
الي مهم الحين لامن ذكرتي
قصة غلانا فاذكريني بالاحسان
هذا قدرنا مايفيد أنك ندمتى
على الفراق أو صرت أنا يوم ندمان
الي مهم الحين أبي لو سمحتى
ذكرك بخير لماضيٍ بينا كان
==============
ليتك تقول ابعد وانا اقول (( لبيه ))
اهون علي من صدتن مالها اسباب …!!؟؟
==============
ياعين لا تبكين خلن فقدتيه
تصبري وارجي من الله يجيبه
مدام هو حي مع الناس شفتيه
لو طالت الغيبه لزوم التقي به
قلبي من الفرقى تزايد بلاويه
وعهد على ما انسى غرامه وطيبه
==============
لك ثلاث أيام في عيونك عتب
ريح أهدابك عسى عمرك طويل
يمكن أكتب فيك شي ما نكتب
ويمكن أوصل بك حدود المستحيل
ليه مختار السكوت بلا سب
لا كلام ولا ملام ولا دليل
ليا متى حزنك يجامله الهدب
سولفه والا تركه دمع يسيل
سولفه ما كل صمت من ذهب
كم عزيز راح من صمته ذليل
يا حبيبي خابر صدرك رحب
مايضيق بدمعه الحزن العليل
==============
أعظم ذنوبي أحبك وأنت سامحني
عن كل ذنبٍ تحملته من أسبابي
يلعن أبو الحب لو الحب مالكني
يلعن أبو الصدق لوهو ساكن أهدابي
وأسألك بالله وش ناوي وريحني ؟
ياأول وآخر وأصدق وأكذب أحبابي
==============
وش فيك متعجب لاني
تغيرت ..!!
عندك خبر إن اليالي
تغير .. !!
كانك على تغير جسمي
تحيرت .. !!
لو شفت قلبي كان فعلا
تحير .. !!
شكلي تغير .. !!
صح كلي تغيرت ..
(إلا الغلا الملعون عيا
يتغير)
==============
غيبتي طالت ولاهمك جفاي
وكنت عايش في امل تسأل علي
من غلاك احسبك عايش في رجاي
وانت ماهمك ولو طال زعلي
انت مالك ذنب هذا من غباي
ناسي واحسبك تتغلى علي
==============
لاتشتكي ألمًا أنت صاحبه
لا يؤلم الجرح إلا من به الألم
==============
خفق قلبي في دقاته يقول
يحبك للأبد والشوق يكبر
احبك موت وأشواقي رسول
تضوي لك شموع اليل تنور
أنا حبي كتبته في فصول
أنا حبي مع الأيام يكبر
==============
وتمر أيام العذاب العديده
تمر فيني مثل دمعة وسط موق
وما كل نفس تملك الي تريده
لا صار شي يبعد النفس ويعوق
يا قصة الحرمان جيتك وحيده
أسير والماضي كما كتاب محروق
