أفضل قصائد الشعر البدوي
يحتل الشعر البدوي مكانا مرموقا بين الشعر العربي، فهو الشعر الذي يجتمع عليه الشعراء في كل العصور، وهو الأقرب إلى مسامع الكثيرين، ممكن يحبون الشعر جملة، حيث استطاع الشعر البدوي أن يصف الكثير من العادات الاجتماعية، وينقل معاناة الصحراء، وكذلك فضائل الأخلاق والقيم، فقد استطاع شعراء الشعر النبطي ارتجال لأبياتهم وحفظهم لمطولاته حتى تمرسوا على إبداعه وإلقائه، وهناك الكثير من القصائد الخاصة بالشعر البدوي نعرض في هذا المقال أفضلها
بيت الشعر
وجودي على بيت الشعر عقب بيت الطين
وجودي علـى شـوف المغاتيـر منثـرّه
وجودي على خوّة هل الموتـر المقفيـن
وجودي على شوف السهل من ورى الحرّه
اليا حلوّا العربان وصـاروا علـى بيتيـن
ومن كان له خـلٍ مـعَ ذاك مـا غـرّه
الإبل
والبل يداوي شوفها كل عله
ودوا من السكر وضغط الشرايين
والبل لها تاريخ جا في سجله
من خلقت الدنيا مع الأوليين
والبل يلا جات الشحايح ممله
وعند أهلها يشرونها بالملايين
ومن ترك البل ذاك كبه وخله
ولا تعشقنه يالبنات المزايين
ماتركوها ألا رجال المذله
باقي شرفها مع ملوك وصلاطين
ون شفتها في الغر لرفح مظله
طالع نباته مثل وصف البساتين
والبدوا بنوا في جديد المحله
متخالطه عيدانها تفتح العين
بين النشاما هرجهم ماتمله
ونسوانهم متصادقات على الدين
ياتيك برادن ويقفاه دله
ويندار من بين الرجال المسمين
ولاش مسوى حرمته في محله
يتروح الضيفه يدور لها وين
والنوم قسمه كل فرض يزله
ماقام تالي الليل سعف المصلين
هذاك من لنذال خله بغله
ضعيف عقله مايعرف القوانين
ون خيروني منزلن ينتزله
ودي بشوف البر في عافي الطين
ولا لي بمنزال العماره وفله
ومغلقه لبواب كنهم مساجين
ومشاهد القصه وشوف المجله
أخير لي منها هدير البعارين
وفرقت غنم وأبلن أصايل وقله
عند الزكاه أعداد خمس وثلاثين
ويالله يلي كل يابس يبله
أرحم بلادك والضعوف المساكين
بالساري الودان يمسي يهله
ويصبح مهجل بعد ماسال سيلين
على القعيميات يمطر يعله
اٌمين يارب الحجيج الملبين
وعلى الأخاشيم أدلهم ساريله
برقه ينوض وينزل الماء على الطين
ويالله يا مامر مكاييل يالله
اٌمر لنا بالخير وحنا مطيعين
وأحنا على نهج النبي مانزله
محمد حبيب الله خير النبيين
الدلة والقهوة
قم سو فنجال ونظف أدلاله
ريحه لراعي الكيف يجلي اعماسه
اشعل ولونه مثل دم الغزاله
لاذاقه الراقد يحارب انعاسه
في مجلس تدله الى جاء مجاله
اللي عن اللجات يقصر حساسه
والا ترا بعض المجالس عذاله
لا معشر طيب ولا فيه اناسه
الصقر
يارازق اللي ينتظر شوفة الطير=وعينه على الاحرار دايم شفوقه
الخير عندك وانت ماتذخر الخير=والعبد يسعى وانت تعطي حقوقه
وجدي على اللي يمنتنوه الصقاقير=مافيه طير بالوصايف يفوقه
ابيض وله عند الصقاقير تقدير=هو منوة الصقار عشقه وشوقه
صارم وجارح باللقا كنه الزير=له هدتن عند الرجال امعشوقه
مخالبه صلبه سواة المسامير=طير الحباري مايعيزه لحوقه
لو انها عن موتها ودها اطير=يجيبها الجارح ولوهي سبوقه
فعله وزينه زاد قدره عن الغير=غلاه في قلبي سكن في عروقه
حنا على شانه مشينا مداوير=والعين لاجله نومها ماتذوقه
جبنا الزريق امع الشبك دون تقصير=وجبنا له البرقع وجبنا سبوقه
ماودنا الا شوفته حزة اعصير=ويسوقه الله في شبكنا يسوقه
واحنا لنا بالصيد خبره وتفكير=نحرص عليه ولا يجي فيه عوقه
والريش نحرص مايجي فيه تكسير=خوفن عليه ايقل سعره بسوقه
وفيه انتباشر بعد كل المخاسير=بشرى السحاب اللي تلامع بروقه
عبرت ما بالقلب ياناس تعبير=يازين شوف الوكر والطير فوقه
اليتيم الحزين
يـاشـيـن دمـعــة يـتـيـم حـــارت بـعـيـنـه
وقّف على الباب دمع اليتـم بعيونـه
متولـع ب بــوه ..وامــه عـنـد جديـنـه
مــع صـغـر سـنـه مـحـقّـر مايـنـادونـه
عزل عن اصحابه وربعـه وباغينـه
يبـيـن حـزنــه بـوجـهـه شـاحــب لـونــه
هرب عن المدرسه واخفى عناوينه
خـايـف يقـولـون بـائـس لا تحـاكـونـه
عمـره عشـر مـع ثـلاث تـو معطيـنـه
بـطـاقـة ابـــوه وكـــان الله فـــي عــونــه
فـيـهـا خـواتــه ثـــلاث وعـمـتـه شـيـنــه
وعـمـه تـولــى الـولايــه نـاظــر شـونــه
عينه ذهينه وعوده مـا قضـي دينـه
خـــذو حـلالــه بحـيـلـة مــــن يـحـبـونـه
يــــدري ولــكــن يــــرده خــــوف والـيــنــه
الفاقـه تحـده يماشيـهـم عـلـى هـونـه
تـــجــــرع الـــهــــم والــحــقـــران بـيــديــنــه
ماله جدى غير عض الفم بسنونه
تــحــمــل الـــديــــن والايـــتــــام راجــيــنـــه
يلوون به لانه رجاهم يوم يرجونـه
مـع الرفيـق الـردي كـثـرت شياطيـنـه
اللطـم فـي خدتـه والحـظ مـش لـونـه
الــصـــورة الـعــابــره تــبــقــى بـتـدويــنــه
فــي دفـتـره بالحـيـاة الـنـاس يـقـرونـه
يـفـرح ببسـمـة عـجـوزمـن مصالـيـنـه
فيـهـا حـنـان عـلـيـه تـضـمـد شـجـونـه
قصيدة متهور السرعة
اطلبـنـي اجـيـك متـهـور مــن السـرعـه
الله يــســتـــر عـــلــــيّ مـــــــن الـمـلــفــاتــي
مــاودي انـــك تنـاديـنـي عـلــى الطـلـعـه
وانــا أتـاخـر عـلــي صـــوت المـنـاداتـي
اخـــاف مـــن نـظــرة تـلـمـحـك منـطـبـعـه
تبـقـى تـصــورك مـثـلـي فـــي معـانـاتـي
يبطـي مريـض وكبـده بالهـوى وجـعـه
مـايـهـتـنـي فـــــي طــعــامــه والـمـلــذاتــي
تسـهـر عيـونـه وخـطْـرٍ ينـثـر الـدمـعـه
تـذبــل عـيـونـه وهـرجــه كــلــه سـكـاتــي
تـكــســب ذنــوبـــه ولا تــهــديــه مـتـبــعــه
ويـتـيـه فـــي غيـهـبـك صــبــره تـنـهـاتـي
جمعـت لـي فـي غـلاتـك غـيـرةٍ سنـعـه
خلـتـنـي احـــب واسـتـعــرض مـهـاراتــي
اسبح مع الجو من قدك خذا وضعه
يمـشـي عـلــى كـيـفـه بـكــل اتجـاهـاتـي
قصيدة الحبل
