الأربعاء , يوليو 17 2019
الرئيسية / القسم الادبي / خواطر حزينة متنوعة , اجمل خواطر الفراق

خواطر حزينة متنوعة , اجمل خواطر الفراق

سألتها وش بلا صوتك حزين ؟قالت :
ترى قريب بنفترق ،،
قلت :
أنا بحبك مخلص ووافي وأمين ؟؟
قالت :
القدر حكمه سبق ،،
قلت :
والمحبة إلي فينا من سنين ؟؟
قالت :
للأسف راح تحترق ،،
قلت :
وبكاي ودموعي والأنين ؟؟
قالت :
أفراحي بعد بتنسرق ،،
قلت :
ولما يأخذني شوقي والحنين ؟؟
قالت :
بدموعك أغترق ،،
قلت :
لو ماعرفتي أعلمك !!
أنتي بحياتي الملك ،، أنتي بروحي أحملك ،، أنتي حروفي تجهلك ،،

عندي سؤال أبسألك ؟؟
لمين أشعاري بعدك تنكتب ،، منهو بعدك بها الدنيا أحب ،، منهو يستاهل دموعي والتعب ،،
جاوبيني أقنعيني لو كذب ..
أنا من بعدك حياة مابها غيري أنا ،، لا صديق ولا رفيق عني يشيل العنا ،، وحيد متعب غريب
ما عرف طعم الهنا ..
أنا بعدك رماد يلعبه هبوب الرياض ..
أنا من دونك ليال تنتظر نور الصباح ..
أنا من دونك جسد مابه غير الجراح ..
قبلك ما عرف قلبي بها الدنيا أحد ،، معك عمري أخذ مع الفرحة وعد ،، بعدك ماراح أحب غيرك
أبد ..
أبسألك ؟؟
ليه علقتني وحببتني وجننتني فيك ؟؟
دامك تعرفي إن الوصل ماهو بيدك ؟؟
دامك تعرفي إن القدر أقوى عليك ؟؟
دامك تعرفي إني أحبك وأعشقك وأموت فيك ؟؟
وإني أزعل لا زعلتي ،، وأبكي من حزنك وأجيك ،، رغم إني ما جرحتك أعتذرلك ،،
وبالمحبة أرتجيك ..
همي بالدنيا رضاك ،، لأني أحتاجك وأبيك ،، رغم شوقي لحظنك أحظنك وما أشتكيك ،، أخفي
دموعي عنك وأضمك وأخاف عليك ،، حتى ما تعرفي عذابي وحتى ما تشوفه عيونك ،، تصوري كل
هالمحبه منهو مثلها بيعطيك ..
ليه ما قلتي خل حبك لي مثل حب كل البشر ؟؟
لا هموم ،، ولا دموع ،، ولا حزن فيه وقهر ،، لا اشتياق ،، ولا جنون ،، ولا حنين ،، ولا سفر
ينتهي بكره ويموت وما يبقى له أثر ،، حب ما يعرف أنين ،، ولا بكاء وتعب وسهر ،،
كان رحمتي عيوني وقلبي وروحي والعمر ،،
كان ما عرفت طعم الضياع إلي طعمه حيل مر ،،
كان ماعرفت إن الثواني في غيابك مثل الدهر ،،
أنا عارف !!