قصيدة عن توحيد المملكه العربيه السعودية , ابيات شعر عن السعودية لليوم الوطني, كلمات عن تاريخ توحيد السعوديه
بسم الذي منـزل تبـارك ويـاسيـن *** مـقـدر الأكـوان وأحصـى عـددهــا
من قـدرتـه وأمره تكون بحرفيــن *** كـوناً يميـز قـدرة اللـي وجـدهـــــا
كرم بنـي آدم وخلـقـه من الطيـن *** وأستخلفه في الأرض يومـه قصدها
وأسجد ملائكته سجـود المطيعين*** الا بليس أغـوتـه نفسـه وأمـدهـــــا
يدعـو إلى المنكر وينهى المصلين *** وزيــن دخـول النـار حتـى وردهـــــا
وأصبـح بعـد هـذا كبير الشيـاطيـن *** أول خطئـه سـجـدة مـا ســجـدهــا
وأول منـارة ثابتـــة فـي فلسطين *** القبـلة الأولـى ومثبــت سـنـدهـــــا
ومن بعـدها مـكة منارة على الدين*** فـي ممـلكتنــا والعبــاد تعـمــدهــا
والمملكة تمـيـزت بيــن بحــــرين *** من الخليـج البحـر الأحمر مــددهـــا
ومن اليمن حتى بـلاد العــرا قيـن *** مـا طيب صـحاريها ومـا طيب نفـدهـا
جبــال لؤلؤ والصحارى بساتيـــــن *** ريـميـة ودك تنـاظــــر جســـدهـــــا
مهـد الـديـانـة والرســل والنبييــن *** من نـوح حتى آخـر نبيـاً رشــدهــــا
هـذه بـلادي هـي بــلاد الحرميـن *** فيهــا حــرم مـكـة وطيبـة بـعــدهــا
أرض حباهـااللـه بطيب السلاطين*** قـالت سـعـوديــة ونالــت سـعـدهـــا
رمـزاً تعاهـــد فيـــه للــه رجليـن *** أوثـان الأرض اليـوم لا أحـد يـعبـدهــا
تحملا من شــأن ها لأمـر حملين *** ناسـاً تـعانـدهـــم ويـكثـر حســدهــا
حتى وصل عهـد حفيـد الإمـامين *** عبدا لعزيـز اللـي نختـه و هـجـدهـــا
دانت لأبو تركي قبل سن عشرين *** وأشـار باليمنـى لصـــدره هبــدهـــا
وبعد معانات على الدرب شهريـن *** كل الليالـي المـاضيــة مـا رقـدهــــا
وصل الرياض مكمل الرقم ستيـن *** أول كتيبـه قـادهـــا فــي مهــدهـــا
ورفــع عـلـم وأختار عنوانه الديـن *** وبـكلـمـة التـوحيـد رايــة عـقـدهــــا
وبــــدأ يجـاهـدهم جهاد العـنيدين *** بسـيوف جـاردهـا وطـاوي غمـدهــا
همه يوحـد مجتمع صار جمعيـــن *** تـوحيـــد قــوم شتــت الله بـددهـــا
ويـزيــل ظـلم ليطمـأن المـصليـن *** ونهى النفوس المفسدةعن فسدهـا
ومن طيب حظه جمـع الله ثنتيـن *** نصـر وغنـا يـم صـار يـكثـر رفــدهـــا
وتشكلـت قصـة غـرام المحبـيـن *** ورفـع يـمينـه واسـتـلم كــف يــدهــا
تعانقوا بالصــدر والقلــب والعيـن *** عنـاق الأم اللـي تـحـــن لــولــدهــــا
قد ظل في يـوم يشابــه لحطين *** هـو ابـنـهـا الأول وبـقيــت وحــدهــــا
بقيت دموع العين في الخدعامين *** ابـيضـت مـن الحـزن وأزبــد رمـدهــا
وبعـد كفاحـاً دام حــول الثلاثيــن *** غـزوة يـجهـزهـا والأخرى شـهـدهـــا
توحدت في عام واحد وخمسين *** بإ سـمـاًً يـميـزهـا عـن الـلي نشدهــا
عساه في الفردوس قولوا له آمين*** في دار ربـي مـكـرمـاً مـن وفـدهــا
مضى وسـلمهــا عيـالاً كريـمين *** كل بـغـى العـليـا وكل صـعـــدهـــــــا
سعـود نظمهــا وأقام الـدواويـن *** وفيصـل مثبتـهـا ومسس عـمــدهـــا
وخالد على عهـده تعـد الملايين *** حتـى عـرفـها اللي قبـل مـا وجـدهــا
وجا عهدأبوفيصـل وبان الحرمين*** فـهـد يسمـونـه فـهـــد هـا فـهـدهــــا
واليوم في عهد الفضاء والقوانين*** في عـهـد أبـو متـعـب ذراهـا سندهــا
حـراً طلع من نادرات الشياهـين *** فـريـسـته يــا ويـلهــا لـــوعـضـدهــــا
صقـر العروبـة رحمة للمساكين *** حـلاًل حـلحيــل يحـلحـــل عــقـدهــــا
وسلطان أبـو خالد عدو المعادين *** سـحـابـة يسبـق مـطـرهــا رعـدهـــا
ونايف على الإرهاب سيفاٍ بحدين*** أدب نــفـوســاً يــوم ربــى قــردهــــا
ومحمـد النايـف حفيد السلاطيـن*** طـور قـطـاع الأمـن وأكثـر عددهـــــــا
حتى بلـدنا أصبـح مثـال وعناويـن*** وأصبح يعيش الريـم صاحب لأسـدهــا
تبـقى بـلادي رمز نخلـه وسيفين*** ومـوت غبن اللـي يـريــد يحســدهــــا
