همس القوافي

قصيدة تهنئة بفوز منتخب مصر , أجمل شعر لمنتخب مصر , أجمل ما قيل عن منتخب الساجدين

أجمل شعر لمنتخب مصر

مصر يا حرة وأبية
روحى ليكى ونور عنيه
بالعزيمة والتحدى
راح نجيب لك ميت هدية

وأنت يا ريس مبارك
جيت تساند جيت تبارك
كرة فن وكل شئ
ده أنت قدوة فى يوم مبارك

وأنت يا جمهور عظيم
زرعت رعب فى كل تيم
بان لنا حبك رايات
ع الوشوش رسمك سليم

وأنت يا شحاتة معلم
كل خططك راح تعلم
ع النسور وعلى الأسود
نفسى إيدى عليك تسلم

وأنت يا زيدان زعيم
كل شوطك فى الصميم
لما تنزل الملاعب
انتصارنا يكون عظيم

وأنت يا عصام يا همام
أنت حارس ع الدوام
حارس المرمى يا حضرى
فيك تحدى وفيك نظام

وأنت يا هانى سعيد
ياللى بيك الدنيا عيد
دا أنت صخرة فى الدفاع
لو هجوم عليك يزيد

وأنت يا وائل يا جمعة
ياللى بيك الدنيا سامعة
عن كفاحك عن دفاعك
انت للاعبيه شمعة

وأنت يا أحمد يا بن فتحى
يا اللى واخد كل فرحى
رغم زعلك م المكان ده
بس خدت كل مدحى

وأنت يا معوض حكاية
م البداية للنهاية
لاء وإيه حريف يا واد
راح تكون دايما معايا

وأنت يا شوقى صفاتك
الرجولة من سماتك
ع النجيل همه وشجاعة
هي عادة من عادتك

وأنت يا أحمد م الفراعنة
جرئتك كان ليها معنى
مهما قالوا عليك وزادوا
منتخبنا بيك بيعلى

وأنت يا شادى ياهادى
القلوب عليك تنادى
ذوق مهارة وطيبة زايدة
وبإيديك تنصر بلادى

وأنت يا بن عبد ربه
فى الجحور راحوا استخبوا
فيلة إيه واسود ده إيه
لسه يا حسنى بيحبوا

وأنت يا ابو تريكة قصة
مش عارف لك اى وصفة
فى المهارة والسلوك
نفسى أكتب ألف قصة

وأنت يا قناص يا عمرو
يا اللى بتطيع كل أمر
كنت وقت الشدة مدفع
تفدى مصر بكل عمر

وأنت يا عماد يا مِتعب
أنت فعلا كنت مُتعب
للدفاع فى أى فرقة
فيك عزيمة وسرعة تتعب

ندعى رب الكون يبارك
فى اللى قاعد واللى شارك
بالترابط يد واحدة
والأمل نمحى المهالك

الفراعنة هم اسياد افريقيا

زر الذهاب إلى الأعلى