عبارات تهنئة بفوز منتخب مصر , قصيدة عن فوز منتخب مصر , صور تهنئة للمنتخب المصري بالفوز
عبارات تهنئة بفوز منتخب مصر , قصيدة عن فوز منتخب مصر , صور تهنئة للمنتخب المصري بالفوز
ربنا يستر يابنى علينا
مانضيعش الفوز بادينا
ومانرجعش ننام من تانى
ومانلقاش اللى يصحينا
عايزين بقى من اول ثانيه
فرصه تروح ماتروحش التانيه
وماتفرقش معانا بنلعب
مع قليوب اومع المانيا
مايغركش دا جى منين
مايهمكش بيلعب فين
مين بتلاعب بص كويس
انسان زيك له رجلين
خليك جامد اوعى تخاف
عمر المصرى ماكان خواف
اصلك عربى وتفرق ياما
وايد برشا او بالزاف
عايزين لعب على الجانبين
لعب يسر ويملا العين
نكسب ومايبقاش مكسبنا
باهت او . بدعا الوالدين
حتى ان هز شباكك هو
مايهزكش كمان من جوه
العب ادى وماتنهارشى
رد وخلى الرد بقـــــوه
انتم اغلى واحسن جيل
والقارات دى اهم دليل
انتوا كفايه هزمتوا ايطاليا
واتسليتوا على البرازيل
طول ماالثقه فى الله موجوده
مش ح نلاقى سكك مسدوده
ربك ح يحلها من عنده
ويفكها لو كت معقوده
لو عن سمعة مصر نزود
نعرق نبذل اقصى جهود
ونخاف بس من اللى خالقنا
احنـــا اكيـــــــد ادها وادود
