شعر غزل عراقي قصير
يا ما دگيت أعلى بابك ..
ونامت اعلى الباب طبعات الاصابع..
وياما هَد حيلي المشي
ولاجلك مِشَت بية الشوارع
و ياما گبل الليل حضرت الحلم فوگ المخدة
وحضرتلك بال واسع
وعتني حيل الشوگ ليك
وفرفحت روحي الگصيرة
الضاعت بطولك الفارع
ولملميت ايامي برموشي وصغتهن
ليلة گمرة ونجم ساطع
ودوريت هواي عنك
بين صاحي وبين غافي
بس تواليها تبّيّن آني بين …
اللهفة والحسبات …ضايع
ومن لگيتك التهيت ارسم على اشفافك سوالف
حتى لو بالچذب تقبلها المسامع ..
وطرزتلك بسمة من ليلو الضحكتك
وآني من حزني رِكد حيل المدامع
ولحّنِتلك سكتة من ليل الفيافي
وصوت ترنيمة صوامع
وسجلتلك (بس تعالوا) و (يمدلولة)
ومن شِعِر (نازك) مقاطع
ما ردتها اتصير ذكرى
و تندثر بین المکاتیب العتيگة والطوابع
وياما شفت الماي يعطش
والبرد بالشمس عشعش
والغروب بثوبة غبَّش
وياما… شِفت الگمر يتدايَن ضوة
وياما… شفت الذيب والأرنب سوة
ياما ….ياما
وياما.. من يوم العرفتك
أحس من بين الجوارح صوت طالع
ماشفت مجنون هیچ .. بلچم جرح گليبة بارع
وياما گالولي دربكم
سچة وعرة وليلة ظلمة وسؤ طالع
وشّوِفُوني شلون حالي
وگبل ما احصد شفت شنهو اني زارع
وياما گالولي أحترس راح
التشوفة مر علينا بحال واقع
واني اگلهم مستعد للراح اشوفة
وحاضر وما عندي مانع
لان اني المشتري والنية بيضة
وما تهمني شما صفت نية البايع
******************
منين اجيــِــبـَــــن گلب يتــــحمل أَذاك
لأن ظلمك زاد وتعـــدى الحـــــــدود
خايف أزعل وقطـَع أحبالي معــــــاك
وتستغلهه فرصــــة وبهَجــرَك تزورد
وفوگ كل هذا بقيت أطلُب رِضـــــاك
ولــجمـــالك تِنكـِــسر كل القيـــــــــود
صَح شَــباب وتُبــغى تــِـتــهَنا بصِباك
وعسى ايحرسك الله من عين الحسود
لكن اتهـــــــدى عليـــــنا الله أِيــّهداك
وعتـــبرنه بـ جيش عشـــاقك جِـــنود
أنتــة صاير كل مِســـى تغِــيِر هواك
ومستبِـــــد برأيك وصــــــاير عَنــّود
كل صفات البيك توحي أِنَـك مــــَـلاك
ليش جاي تمثـــِل أدوار الحقـــــــــود
على كدي اجيت مكدر اكدار
يحزني وما تلوك اعله كل واحد
طويل انت وتشوف الوادم كصار
وعلي شوف شحلاتك وزن كاعد
صغت منك يحزني اشعار واشعار
على جيده الزمن حطهن كلايد
جم حلوه القرتهن بأخر الليل
او جوت بالدمع كحل المراود
او جم فاكد صبر ومفارك اعزاز
لكه بيهن صبر وكت الشدايد
لان الكتب شعره وكلبه محروك
مو مثل اليكتبه وكلبه بارد
اكو شاعر بقلمه ينوم الليل
واكو من ينام قلمه او ليله كاعد
واكو منه القصيد شارده بعيد
واكو تلحكه القصيده وهو شارد
واكو شاعر صور بس ماكو موضوع
ويشبجها عليك بصور واجد
واكو موضوع عنده وماكو تصوير
مثل ماي البرك كل عمره راجد
واكو موضوع عنده وعنده تصوير
وتلكه الشعر فوك سطوره ساجد
واكو من يبوك شعرك وانت موجود
او من تناقشه يكلك توارد
اذا مابيك حركه عشك جتال
ولا صاير عليك الهم كراكد
شعرك ما يحرك كلشي بالناس
مثل حجي المصفط بالجرايد
اجمل شعر غزل, شعر قصير, شعر عراقي, شعر غزل عراقي قصير, قصائد غزل, قصيدة عزلية, شعر, اشعار, عراقية, فصيدة غزلية, شعر الغزل, ابيات شعر غزلي, شعر الحب, شعر رومانسي, قصائد رومانسية
شعر غزل – خاص بالعشاق
