همس القوافي

شعر عن الشيخ محمد بن زايد, قصائد عن الشيخ محمد بن زايد, خواطر مدح

ياسيدي سيد الكل من جد

هذا كلامي ماهو مجرد تعابير

لك العهد واجب ولازم ولابد

مرسل لبوخالد مع كل تقدير

يمكرم شعب الامارات بلاحد

يدعون لك عشرين مليون بالخير

يالعربي الساس جد ورا جد

سبحان من سخرك للخير تسخير

في عصرنا مالك نظير ولا ند

ياشهر من اللي قالوا عنهم مشاهير

سالم من سلم وضد لمن ضد

ومالا يصير يصير لو ودك يصير

من ربي افضالك علينا بلا عد

معايير حطم جميع المعايير

من عاش معك اليوم ماهمه الغد

حيث انته غير وعهدك المزدهر غير

كنك بحر طيبك جزر والكرم مد

وشعبك لفوك لضفاف جوادك طوابير

ولك الغلا والحب مع صادق الود

لك طلعه تضوي عتام الدياجير

وانا بعيني شفت بوخالد يديه اتمد

من الكرم وطيب واخلاقه فوق تعابير

{ عيـــــال زايـــــد }
مابيننا وبينهم فرق شتان
جماعة سوداء تدس المكايد.

لا بارك الله في الذي باع باثمان
أمن البلاد وحط أفك بجرايد

هذا الوطن مايبغي أمثال الإخوان
هذا الوطن يريد عيال زايد.
رجال في حب الوطن تملك إيمان
حفظ الوطن بالطبع إلهم عوايد.
من كان في حب الوطن شخص خوّان
هدم من الإنجاز كل صرح شايد.
عصابةٍ متلونه عشرة ألوان
قلوبهم تحمل علينا حقايد.

دولة إماراتي لها سبعة أركان
ومن حولهم شعبٍ رجاله عضايد.
يادار ياللي تفتدى بروح شبان
بالروح نرخص لأجل أمنك وكايد.

والله لو ما ذا الشهر شهر شعبان
لا حشهم بقصيد حش البرايد.

جونا وكانوا عندنا ناس ضيفان
وحنا كرمناهم ونكروا الحمايد.

أبدا و لا راعوا لنا فعل الإحسان ..
حتى ولا كانوا بموقف محايد.

راحو علينا يستعينوا بشيطان …
سموه مرشد واعبدوا له عبايد.

أمن الوطن لا تلمسه ايد خوّان ..
قولوا معي حنا ترى عيال زايد.
انخي القبايل لي لها عزٍ وشان
وكل اوطني حب الوطن حب وايد.
أمن الوطن لا تلمسه ايد خوّان .
قولوا معي حنا ترى عيال زايد.

زر الذهاب إلى الأعلى