همس القوافي

حل الوداع

حل الوداع
السلام عليكم ورحمة الله وبركاته

حـــل الــــوداع ولا تــــدور لـلأسـبــاب
لأن الــفــراق الــحـــل والله عـويــنــي

كنـت أنتظـر طلـتـك والشـمـس بغـيـاب
وكـنـت أنتـظـر صـوتـك بـفـجـرٍ يبـيـنـي

بـس للأسـف بعـت الغـلا والحشـا ذاب
مــن نــار هـجـرك والـشـرر يكتويـنـي

كنت الغلا والروح مـن شانـك أسـراب
تلـفـي تحضـنـك مــن بـــراد السنـيـنـي

وكـنـت الــذي لا جـانـي الـهــم طـــلاب
أفـــزع بـاسـمـك ثـــم تـلـفــي بـحـيـنـي

وكنت الأخو لا ضاقت دروب الأصحاب
والابــن لا ضـاقـت حــروف الحـزيـنـي

كنـت الحبيـب وكـنـت سـمـح ٍ بالعـتـاب
مـا تشـكـي الضيـقـة و قلـبـك سجيـنـي

وكنـت الـذي يعشـق حروفـي بتـرحـاب
ويـــردد الــحــرف بــوجــودك يـزيـنــي

لـكــن حـسـافـة حـــب يـنـبـاع بـتــراب
ومشـاعـر ٍ تـنــداس مـــن دون ديـنــي

قلـبـي كبـيـر وحـبـك بوسـطـه أعـنــاب
مــن قـبـل هـجـرك يـرتـوي بالحنـيـنـي

واليـوم ماعـدت احتـمـل بـعـد وعـتـاب
ومـاعـاد قلـبـي يحتـمـل ضـــاق فـيـنـي

أمــا تعـيـش العـمـر مــن دون أحـبـاب
وإلا تـــــدور لـــــك بــديـــل الـظـنـيـنـي

أمـــا أنــــا بـصـبــر ولا أذل الأرقــــاب
وبدعـي ولــي الـعـرش يحـفـظ جنيـنـي

وجـوالـي ألفيـتـه مـسـح كــل مـجـنـاب
ومــاعــاد بــــه إلا نــفـــوس ٍ تـبـيـنــي

زر الذهاب إلى الأعلى