الأربعاء , مايو 22 2019
الرئيسية / الاخبار / شد حيلك ..
شد حيلك… شرك حزنك بصد قمحان إذا كتل الدباس ليلك.. ولا يهمك.. يروغولك عطاشى الناس.. يجي مدفق جفاف سيلك.. تخدر بك بكار الطين.. على نية سماح نيلك.. ها.. شد حيلك.. شد حيلك.. تدفق روحك التريانة ريدة وحن.. بعادك مابراك واجعك.. طحن روحنا وجلدنا طحن.. خبارو النيل بتاور إيدي.. بشوفك في ترايا محن.. سماحة البن ندقو طرابي.. بزعل كان سحنا سحن.. وأنا استعجلت .. حسيتك.. مرقت لساني للأحزان.. فرح في عروقي دسيتك.. بدل ما أجس وريد الشوق.. شنو الخلاني جسيتك مرقتك من فراغ روحك.. على كيف نبضي عسيتك.. … لساني الانربط بي الخوف.. وقلبي الانصدم بالحسرة .. شالو الليل عليك أفراح ..لقوك عند الصباح في مسرى كوفارة الحنين والشوق لقت جيتك يقين الكسرة.. داخلاك ساكنة.. ارفع راسي شقيش ماأجيك منكسرة.. وجع الروح هداك مكروب على طرف الحواس مارق.. كانت مرقة الأحزان بتحتاج لي فرح خارق.. سند خارق.. ولد خارق.. وطن شقيش يموت الضو.. يجيك متل النهار شارق.. جبر.. لي كسري.. شهقة عافية من نص حسري.. جبدة قافية في حسابات عمر فارق.. ريدتك كااافية خشيت في وتيني حييت بعد ماامتا مرقت قافية.. وسدتك جليد إحساسي ..غنى وريدي.. ريدتك دافية همبت ..

شد حيلك ..

%name شد حيلك ..

شد حيلك…
شرك حزنك بصد قمحان إذا كتل الدباس ليلك..
ولا يهمك..
يروغولك عطاشى الناس..
يجي مدفق جفاف سيلك..
تخدر بك بكار الطين..
على نية سماح نيلك..
ها.. شد حيلك..
شد حيلك.. تدفق روحك التريانة ريدة وحن..
بعادك مابراك واجعك..
طحن روحنا وجلدنا طحن..
خبارو النيل بتاور إيدي..
بشوفك في ترايا محن..
سماحة البن ندقو طرابي..
بزعل كان سحنا سحن..
وأنا استعجلت ..
حسيتك..
مرقت لساني للأحزان..
فرح في عروقي دسيتك..
بدل ما أجس وريد الشوق..
شنو الخلاني جسيتك
مرقتك من فراغ روحك.. على كيف نبضي عسيتك..

لساني الانربط بي الخوف..
وقلبي الانصدم بالحسرة ..
شالو الليل عليك أفراح ..لقوك عند الصباح في مسرى
كوفارة الحنين والشوق
لقت جيتك يقين الكسرة..
داخلاك ساكنة.. ارفع راسي شقيش ماأجيك منكسرة..
وجع الروح هداك مكروب على طرف الحواس مارق..
كانت مرقة الأحزان بتحتاج لي فرح خارق..
سند خارق..
ولد خارق..
وطن شقيش يموت الضو.. يجيك متل النهار شارق..
جبر.. لي كسري..
شهقة عافية من نص حسري..
جبدة قافية في حسابات عمر فارق..
ريدتك كااافية
خشيت في وتيني حييت بعد ماامتا مرقت قافية..
وسدتك جليد إحساسي ..غنى وريدي.. ريدتك دافية
همبت الوجع والدمعة .. حمرة عين ولو عوس مافيا..
جيتك وافيه..
مرقة شوكة من ضفر المشاعر جوة..
جيتك قوة..
جيتك خوسة لي مغدور ضهر في عوة..
جيتك قدرة للحلق الولا قادر يكورك سيدو يا أبو مروة..
شقيش ما تحوتق روحي للموت
القى شوفتك عافية..
لي شن هسي شايل هم..
معاك أنا والفرح زافينا فوق كم الوجع فوق كم..
نشف عرق الحنين في جوفي
تلب فيني نبضك دم..
حطب هسي الدموع نكرني..
وكنا أشقا وأولاد عم..
ها قول لي الوجع فوق كم..

قبلك يابهي الطلة كان عندي الضحك بالسرقة
حالف حزني بي إيمانو حامي سنوني من المرقة
والنار كلما تلاقيني بتهب من أذاي منحرقة
واسع كونو ماشي وجايي ..
شايل هم سنين الفرقة؟

ظنك يعني ماهاميني؟
أنا الوالفت بيك الفرحة زح من الدمع ود عيني؟
أنا واجعني بعدك مني ..هارد كبدتي وماذيني..
لكن طالما في قلبي ..بِرجاك بي شهية حنيني..
مااديتك كلام معسول .. عشان مااضاري منك شيني..
اديتك رضاي.. وأماني..
والثقة ياالحبيب ويقيني..
سافر ..وبينا حبل الذكرى ممدود..
والسهر توم عيني..
ماتخليني..
ياسيد ريدي..
يا سندي وتمامة ديني