سجلت في قلبي دخولك على طول
….. وغنت جروح القلب فيكم نشيده
كلمة المرور
وكلمة مرورك جابها منك مرسول
…. وبدلتها وارسلت كلمه جديده
ملف
واصبح ملفك داخل القلب معزول
… وحفظت به من دم قلبي قصيده
تحرير
وسويت لك تحرير عن كل مجهول
… متوسط ٍ بين الخفوق وّريده
عرض
وقدمت لك عرض ٍ من القلب منقول
… لأجل أثبت انك بالضماير وحيده
المفضله
وبمفضلة قلبي عن الغير محمول
… ما أضفت غيرك الفتاه الفريده
الخلف .. الإمام
وللخلف لو ترجع ترى الخلف مقفول
… رح للأمـام وفك صفحه جديدة
عنوان
واكتب على العنوان للغير مشغول
…. حنـّا سكنـّا وراسلي في بريده
تسجيل الخروج
وأن كان ودك تترك القلب مشغول
… سجل خروج وشب فيني وقيده
إيقاف
وان شفتني هالك على الدرب لا حول
… أضغط على إيقاف وأقرا القصيدة
تحديث
وأضغط على تحديث وتشوف مدلول
… وكل الكلام اللي قريته تعيده
أحـــبك وأعـــشـق طيبتـــك اللــي تحليـــك
